11

വൈ​ക്കം:​ വെ​ള്ള​മി​റ​ങ്ങി​ത്തു​ട​ങ്ങി​യ​തോ​ടെ ഭൂ​രി​ഭാ​ഗം കു​ടും​ബ​ങ്ങ​ളും ദു​രി​താ​ശ്വാ​സ ക്യാ​മ്പു​ക​ളി​ൽ നി​ന്ന് വീ​ടു​ക​ളി​ലേ​ക്ക് മ​ട​ങ്ങി.
വീ​ടി​നു​ള്ളി​ലും പ​രി​സ​ര​ത്തും അ​ടി​ഞ്ഞു കൂ​ടി​യ ചെ​ളി​യും മ​റ്റ് മാ​ലി​ന്യ​ങ്ങ​ളും ഏ​റെ ശ്ര​മ​പ്പെ​ട്ട് ശു​ചീ​ക​രി​ച്ച് അ​ണു​നാ​ശി​നി​ക​ൾ ത​ളി​ച്ച് ആ​രോ​ഗ്യ​ക​ര​മാ​യ അ​ന്ത​രീ​ക്ഷം ഒ​രു​ക്കി കു​ടും​ബ​ങ്ങ​ൾ സാ​ധാ​ര​ണ ജീ​വി​ത​ത്തി​ലേ​യ്ക്ക് എ​ത്തു​ക​യാ​ണ് .

ക്യാ​മ്പു​ക​ളി​ൽ നി​ന്ന് വീ​ടു​ക​ളി​ലേ​യ്ക്ക് മ​ട​ങ്ങി​യ കു​ടും​ബ​ങ്ങ​ൾ​ക്ക് വീ​ട് ശു​ചീ​ക​രി​ക്കു​ന്ന​തി​നു​ള്ള അ​ണു​നാ​ശി​നി​ക​ളും ഏ​താ​നും ദി​വ​സ​ത്തേ​ക്ക് ഭ​ക്ഷ​ണം പാ​ച​കം ചെ​യ്യാ​നു​ള്ള ഭ​ക്ഷ്യ​വ​സ്തു​ക്ക​ളും മ​റ്റും സു​മ​ന​സു​ക​ളി​ൽ നി​ന്ന് സ​മാ​ഹ​രി​ച്ച് പ​ഞ്ചാ​യ​ത്ത് അ​ധി​കൃ​ത​ർ ന​ൽ​കി​യി​രു​ന്നു. വെ​ള്ളപ്പൊ​ക്ക ദു​രി​തം ഏ​റ്റ​വും കൂ​ടു​ത​ൽ അ​നു​ഭ​വ​പ്പെ​ട്ട​ ഉ​ദ​യ​നാ​പു​രം പ​ഞ്ചാ​യ​ത്തി​ലെ വ​ല്ല​കം സെ​ന്‍റ് മേരീസ് സ്കൂളി​ലെ ക്യാ​മ്പി​ൽനി​ന്ന് ഏ​താ​നും കു​ടും​ബ​ങ്ങ​ൾ ഒ​ഴി​കെ വീ​ട്ടി​ലേ​ക്ക് മ​ട​ങ്ങി.

വീ​ട്ടി​ൽ നി​ന്ന് വെ​ള്ളം ഇ​റ​ങ്ങാ​ത്ത​വ​രെ വ​ല്ല​കം പ​ള്ളി പാ​രിഷ് ഹാ​ളി​ലേ​ക്ക് മാ​റ്റി പാ​ർ​പ്പി​ച്ചു. ത​ല​യോ​ല​പ്പറ​മ്പ് എ​.ജെ.​ജോ​ൺ മെ​മ്മോ​റി​യ​ൽ ഗ​വ​ൺ​മെ​ന്‍റ് ഹ​യ​ർ സെ​ക്ക​ൻ​ഡ​റി സ്‌​കൂ​ളി​ലെ ക്യാ​മ്പി​ൽനി​ന്നും ഏ​താ​നും കു​ടും​ബ​ങ്ങ​ൾ ഒ​ഴി​കെ ബാ​ക്കിയു​ള്ള​വ​ർ വീ​ടു​ക​ളി​ലേ​ക്ക് മ​ട​ങ്ങി. ശേ​ഷി​ക്കു​ന്ന​വ​രെ സ്‌​കൂ​ൾ ഓ​ഡി​റ്റോ​റി​യ​ത്തി​ലേ​ക്ക് മാ​റ്റിപാ​ർ​പ്പി​ച്ചു. ​വെ​ച്ചൂ​രി​ലെ ര​ണ്ട് ക്യാ​മ്പു​ക​ളും അ​വ​സാ​നി​പ്പി​ച്ചു. മ​റ​വ​ൻ​തു​രു​ത്ത് ഗ​വ​ൺ​മെ​ന്‍റ് യു​പി സ്‌​കൂ​ളി​ലെ ക്യാ​മ്പി​ലെ ദു​രി​ത ബാ​ധി​ത​രെ​ല്ലാം വീ​ട്ടി​ലേ​ക്ക് മ​ട​ങ്ങി.

ഉ​ദ​യ​നാ​പു​രം പ​ഞ്ചാ​യ​ത്തി​ലെ ദു​രി​താ​ശ്വാ​സ ക്യാ​മ്പി​ൽനി​ന്നും വീ​ടു​ക​ളി​ലേ​ക്ക് മ​ട​ങ്ങി​യ​വ​ർ​ക്ക് വീ​ടും പ​രി​സ​ര​വും കി​ണ​റു​ക​ളും വൃ​ത്തി​യാ​ക്കു​ന്ന​തി​നു​ള്ള ബ്ലീ​ച്ചിം​ഗ് പൗ​ഡ​റും അ​ത്യാ​വ​ശ്യം വേ​ണ്ട അ​രി, പ​ല​ച​ര​ക്ക്, പ​ച്ച​ക്ക​റി​യും, വ​സ്ത്രങ്ങ​ളും പ​ഞ്ചാ​യ​ത്ത് പ്ര​സി​ഡ​ന്‍റ് കെ.ജി. രാ​ജു വി​ത​ര​ണം ചെ​യ്തു. വൈ​സ് പ്ര​സി​ഡന്‍റ് ബി​ന്ദു അ​നി​ൽ​കു​മാ​ർ, ജി​ല്ലാ പ​ഞ്ചാ​യ​ത്ത് അം​ഗം എം.കെ. ​രാ​ജേ​ഷ്, ബ്ലോ​ക്ക് പ​ഞ്ചാ​യ​ത്തം​ഗ​ങ്ങ​ളാ​യ എം.​ജി. രഞ്ജി​ത്ത്, ര​ഞ്ജ​നാ സു​നി​ൽ, പ​ഞ്ചാ​യ​ത്ത് അം​ഗ​ങ്ങ​ളാ​യ കെ. ​ദീ​പേ​ഷ് , ജ​സീ​നാ ഷാ​ജു​ദീൻ, അ​ജി​താ മ​ധു​ക്കു​ട്ട​ൻ, വി. ​ബി​ൻ​സ്, പി.​ആ​ർ. ദേ​വ​ലാ​ൽ, സാ​ബു മാ​ളി​യേ​ക്ക​ൽ തു​ട​ങ്ങി​യ​വ​ർ പ​ങ്കെ​ടു​ത്തു.